५.५.३ शान्ति तथा सुरक्षाको विवरण

संविधानमा उल्लेख भए अनुरुप राज्यले नागरिकलाई सुरक्षाको अनुभूति दिलाउन सक्नुपर्दछ । हरेक राष्ट्रका नागरिकहरूलाई नागरिक सुरक्षा प्रदान गर्नु राज्यको प्रमुख दायित्व हो । नागरिकले आफ्नो राज्यमा सुरक्षित महशुस गर्न पाउनुपर्छ । यसलाई चुस्त र दुरुस्त बनाउन नागरिक समाजको पनि त्यतिकै महत्वपूर्ण भूमिका रहन जान्छ ।

उप–महानगरपालिकामा भएका अपराधिक तथा सामाजिक नियम बाहिरका कार्य चोरी–डकैती लगायतका अन्य कार्यहरू सुरक्षा निकाय मार्फत समाधान हुने गरेको पाइन्छ । यस उप–महानगरपालिकामा वर्षभरिमा कुनै अप्रिय घटना घटेको दर्ता खासै गरिएको देखिदैन् । उप–महानगरपालिकामा सानातिना झै–झगडा, कुटपिट, साँध, सिमानामा विवाद, चोरी डकैती, ठगी, घरेलु हिंसाका घटनाहरू यदाकदा हुने गरेको स्थानीयबासीको भनाई छ । यस उप–महानगरपालिकाभित्र रहेका मुख्य मुख्य सुरक्षा निकायहरुको विवरण तालिकामा प्रस्तुत गरिएको छ ।