४.४.१ धार्मिकस्थल तथा पर्यटकीय स्थलहरूको विवरण

विशिष्ट भौगोलिक संरचनाले सिर्जना गरेको हावापानी, जनजीवन, वन, वनस्पती र वन्यजन्तु तथा साँस्कृतिक विविधताको कारण नेपाल विश्वमा नै एउटा चित्ताकर्षक पर्यटकीय गन्तव्य स्थलको रूपमा परिचित छ । पर्यटन हाम्रा लागि प्रकृतिले दिएको वरदान हो । यी सम्पूर्ण पर्यटकीय सम्पतिको पूर्ण सदुपयोग गरेमा देशको आर्थिक समृद्धिमा उल्लेखनीय योगदान प्रुयाई देशको अर्थतन्त्रलाई सबल बनाउन सकिने निश्चित छ । तसर्थ पर्यटन नीति, २०६५ ले मुलभूत रूपमा पर्यटन मार्फत् स्वरोजगार सिजर्ना, गरिबी निवारण, मूर्त तथा अमूर्त सम्पदाको खोज अनुसन्धान, हवाई तथा स्थलमार्गको थप विकास र विस्तार गर्ने र पर्यटन पूर्वाधारलाई दिगो विकासको अवधारणा अनुरुप अगाडि बढाउने उद्देश्य लिएको छ । यस उप–महानगरपालिकामा पनि पर्यटन विकासका प्रचुर सम्भावनाहरू रहेका छन् ।

उप–महानगरपालिकामा रहेको बबई नदीको किनारमा सुन्दर थुम्कोमा यहाको पिवत्र धार्मिक स्थल शितलपुर महादेव मन्दिर, कालिका मालिका मन्दिर, राधा कृष्ण मन्दिर, त्रिसिद्धेश्वरी मन्दिर, भद्रकाली मन्दिर, देविस्थानमन्दिर, सिद्धबाबा थान थर्कोट, सुकौरा कोट, छिलिकोट, चमेरे गुफा, राप्ती शान्ति पार्क, सुकौरा कोट, प्रतापकोट, सात तले झरना, ब्रम्हकुमारी राजयोग, लक्ष्मीनारायण मन्दिर लगायतका स्थल धार्मिक, प्राकृतिक, ऐितहासिक र पुरातात्विक महत्वका स्थलहरू रहेका छन् । यहाँ होम स्टे र साँस्कृतिक पर्यटनको समेत उत्तिकै सम्भावना रहेको छ । क्षेत्री, ब्राह्मण, थारु जातीको संस्कृति झल्कने विभिन्न साँस्कृतिक कार्यक्रमहरूलाई समेटेर साँस्कृतिक पर्यटन प्रर्वद्धन गर्न सकिन्छ । यसका साथै उप–महानगरपालिकामा कृषि उत्पादन, फलफुल, तरकारीबाली, मौरी पालन र नगदेबालीको उत्पादनमा अग्रणी स्थान रहेकाले ती क्षेत्रहरूलाई नमूना कृषि क्षेत्रको रुपमा विकास गर्न सके कृषि पर्यटकहरूलाई आकर्षण गर्न सकिन्छ । तसर्थ हाल पर्यटकहरूका लागि होटल तथा होम स्टेहरूका साथै अन्य आवश्यक सेवा सुविधा विस्तार गर्न आवश्यक रहेको छ ।

बहुजातीय, बहुभाषीय, बहुधर्म र सामाजिक विविधता एवं तुलसीपुर उप–महानगरपालिकामा परम्परागत मन्दिरहरु तथा ऐतिहासिक स्थलहरु रहेका छन् । यस उप–महानगरपालिकामा रहेका विभिन्न पर्यटकीय तथा धार्मिक स्थलहरूको विवरण तालिकामा उल्लेख गरिएको छ ।